تحریک انصاف کو کراچی میں جلسے کی اجازت مل گئی، شرائط سامنے آگئیں؟

کراچی: سندھ حکومت نے تحریک انصاف کو باغ جناح کراچی میں 11 جنوری کو جلسے کی اجازت دے دی، 2 ڈپٹی کمشنر ایسٹ نے باغِ جناح میں جلسے کیلئے باضابطہ این او سی جاری کردیا۔

ذرائع کے مطابق جلسے میں اشتعال انگیز مواد، آڈیو ویڈیو، کیسٹ، سی ڈیز کی فروخت پر پابندی ہوگی، نفرت انگیز، فرقہ وارانہ تقاریر، ریاست، افواج مخالف گفتگو مکمل طور پر ممنوع ہوگی۔

لاؤڈ اسپیکر ایکٹ، تمام نافذ قوانین پر مکمل عملدرآمد منتظمین کی ذمہ داری ہوگی، سیکیورٹی کیلئے واک تھرو گیٹس، میٹل ڈیٹیکٹرز، رضاکاروں کی تعیناتی لازم ہوگی۔

جلسے کی مکمل ویڈیو ریکارڈنگ، اگلے دن حکام کو جمع کرانا ہوگی، ٹریفک روانی، پارکنگ دو سو گز دور، داخلی خارجی راستے محدود ہوں گے۔

اس کے علاوہ جلسہ رات دس بجے تک ختم کرنا ہوگا، کسی بھی خلاف ورزی کی صورت میں سخت کارروائی ہوگی۔