توشہ خانہ 2 کیس میں بشری بی بی کی گرفتاری کا امکان، ضمانت کیخلاف درخواست دائر

ایف آئی اے نے توشہ خانہ ٹو کیس میں بشری بی بی کی ضمانت منسوخی کے لئے درخواست دائر کردی جس پر کل سماعت ہوگی۔

اسلام آباد ہائیکورٹ کی جانب سے جاری روسٹر کے مطابق  ایف آئی اے کی جانب سے دائر درخواست پر جسٹس میاں گل حسن اورنگزیب کل سماعت کریں گے۔

ایف آئی اے نے اپنی درخواست میں بشریٰ بی بی کی مسلسل عدم پیشی پر ضمانت منسوخ کرنے کی استدعا کرتے ہوئے کہا ہے کہ عدالت نے آرڈر میں لکھا کہ بشری بی بی ضمانت کا غلط استعمال نہیں کرے گی جبکہ وہ اکثر سماعتوں پر پیش نہیں ہورہیں۔

ایف آئی اے نے استدعا کی ہے کہ عدالت بشری بی بی کی ضمانت منسوخ کرے۔