وزیراعظم بیان حلفی دیں کہ آئندہ جبری گمشدگی نہیں ہوگی، اسلام آباد ہائیکورٹ

اسلام آباد ہائیکورٹ کے جج جسٹس محسن اختر کیانی نے کہا ہے کہ جبری گمشدگیوں کی بڑی وجہ ریاست اور اداروں کا رول آف لا کو نہ ماننا ہے۔

اسلام آباد ہائیکورٹ میں لاپتہ بلوچ طلبا کی بازیابی کے حوالے سے دائر درخواست پر سماعت کرتے ہوئے جسٹس محسن اختر کیانی نے کہا کہ ریاست اور ادارے رول آف لا کو نہیں مانتے اس لیے جبری گمشدگیاں ہوتی ہیں۔

انہوں نے ریمارکس دیے کہ حکومت اور اداروں کو عدالتوں پر اعتماد کرنا ہوگا، وزیر اعظم، سیکریٹری داخلہ اور سیکریٹری دفاع کو بیان حلفہی دینا ہوگا کہ اب کوئی جبری گمشدہ نہیں ہوگا۔