وزیراعظم کے رمضان ریلیف پیکج کیلیے اپلائی کرنے کا طریقہ

اسلام آباد: وزیراعظم شہباز شریف نے سال 2025 کے لیے 20 ارب روپے کے رمضان ریلیف پیکیج ‘8070’ کا اعلان کیا ہے، جس کے تحت ملک بھر میں 40 لاکھ مستحق خاندانوں کو امداد فراہم کی جائے گی۔  

8070 رجسٹریشن کے لیے آن لائن درخواست کا طریقہ کار

پیکیج کے تحت امداد حاصل کرنے کے لیے درخواست دہندگان کو سب سے پہلے پنجاب سوشل اینڈ اکنامک رجسٹری (PSER) سروے مکمل کرنا ہوگا۔

سروے کے لیے درج ذیل اقدامات پر عمل کریں:  

1. سرکاری ویب سائٹ pser.punjab.gov.pk پر جائیں۔  

2. اپنے سی این آئی سی، موبائل نمبر اور ای میل ایڈریس کے ذریعے اکاؤنٹ بنائیں۔  

3. یوزرنیم اور پاس ورڈ کے ساتھ لاگ ان کریں۔  

4. سروے فارم مکمل کریں، جس میں خاندان کے سربراہ، دیگر افراد، جائیداد اور اثاثوں، نیز زرعی زمینوں کی معلومات درج کرنی ہوں گی۔  

5. درج کردہ معلومات کا جائزہ لیں اور فارم جمع کروائیں۔  

رقم کی تقسیم کے لیے حکومتی اقدامات

رقم کی ہموار تقسیم کے لیے حکومت نے درج ذیل چینلز متعارف کرائے ہیں:  

1. بینک ٹرانسفر: ایچ بی ایل، یو بی ایل، اور بینک الفلاح کے اکاؤنٹس میں براہ راست رقم جمع کی جائے گی۔  

2. موبائل والٹ: ایزی پیسا اور جازکیش کے ذریعے اپنی رقم تک رسائی حاصل کریں۔

3. احساس پروگرام سینٹرز: بینک اکاؤنٹ نہ رکھنے والے افراد مخصوص احساس سینٹرز سے امداد وصول کر سکیں گے۔  

4. یونین کونسل آفسز: مقامی حکومتی دفاتر میں حتمی تصدیق کے بعد رقم وصولی ممکن ہوگی۔  

اہلیت کا معیار

1. درخواست دہندگان کم آمدنی والے خاندان سے تعلق رکھتے ہوں۔  

2. درخواست دہندگان کے پاس درست سی این آئی سی (کمپیوٹرائزڈ نیشنل آئیڈینٹیٹی کارڈ) ہو۔  

3. درخواست دہندگان کو PSER سروے آن لائن مکمل کرنا ہوگا۔  

حکومت کا یہ اقدام غریب اور مستحق خاندانوں کو رمضان المبارک کے دوران مالی مدد فراہم کرنے کے لیے ایک اہم قدم ہے۔