یوم آزادی پریڈ، اسلام آباد ایئرپورٹ پر فلائٹ آپریشن 8 دن تک متاثر رہے گا

یومِ آزادی کی پریڈ کی ریہرسل کی وجہ سے اسلام آباد انٹرنیشنل ایئرپورٹ پر پروازوں کا شیڈول متاثر ہوگا۔

پاکستان ایئرپورٹس اتھارٹی نے ایک نوٹیفکیشن جاری کیا ہے جس کے مطابق 11، 12 اور 13 اگست کو رات 8 بجے سے 10 بجے تک فلائٹ آپریشن بند رہے گا۔

اس کے علاوہ، 6 سے 9 اگست اور 11 سے 14 اگست کے درمیان بھی متعدد اوقات میں پروازیں معطل رہیں گی۔

مسافروں کو ہدایت کی گئی ہے کہ وہ غیر ضروری زحمت سے بچنے کے لیے اپنی پرواز کا وقت پہلے ہی معلوم کر لیں۔

حکام نے ایئرلائنز کو بھی کہا ہے کہ وہ پروازوں کے نئے اوقات کار کے بارے میں مسافروں کو آگاہ رکھیں۔ یہ اقدامات پاکستان کے 77 ویں یومِ آزادی کی سرکاری تقریبات اور سیکیورٹی کے انتظامات کا حصہ ہیں۔