انٹرنیٹ رفتار کا مسئلہ کب حل ہوگا؟ حکومت نے تاریخ بتادی

حکومت نے ملک میں انٹرنیٹ رفتار کا مسئلہ حل ہونے کا مہینہ بتادیا۔

قومی اسمبلی کے اجلاس میں رکن عالیہ کامران نے انٹرنیٹ کی رفتار سست ہونے سے متعلق توجہ دلاؤ نوٹس پیش کیا۔

انہوں نے کہا کہ وی پی این کی رجسٹریشن کا قانون ہی موجود نہیں تو ڈرامہ کیوں کیا جارہا ہے۔

توجہ دلاؤ نوٹس پر جواب دیتے ہوئے پارلیمانی سیکریٹری ساجد مہدی نے کہا کہ ہمارے پاس ایڈوانس ٹیکنالوجی نہیں جس کی وجہ سے مسئلہ آرہا ہے، بہت جلد فائیو جی پہ جارہے ہیں سارے مسائل حل ہو جائیں گے۔

انہوں نے کہا کہ انٹرنیٹ کی رفتار اتنی تیز بھی نہیں اور اتنی سست بھی نہیں، پاکستانی کو بہت سائبر سیکورٹی تھریٹ ہیں اور اس وجہ سے انٹرنیٹ کو بے لگام نہیں چھوڑ سکتے۔

انہوں نے یقین دہانی کرائی کہ اپریل تک بہت سارے مسائل حل ہو جائیں گے۔