پی ٹی آئی جلسہ، پاکستان بھر میں واٹس ایپ سمیت سوشل میڈیا ایپس سروس اچانک متاثر

پاکستان تحریک انصاف کے جلسے کے دوران ایک بار پھر اچانک ملک بھر میں واٹس ایپ, انسٹاگرام سروس اچانک تعطل کا شکار ہوگئی۔

تفصیلات کے مطابق پاکستان بھر میں صارفین کو شام چھ بجے کے بعد سے واٹس ایپ سروس میں تعطل نظر آیا۔

سروس متاثر ہونے کے باعث صارفین واٹس ایپ پر کوئی ویڈیو، آڈیو نہیں بھیج پارہے جبکہ ٹیکسٹ کی صورت میں اُن کا پیغام سینڈ ہورہا ہے۔

سوشل میڈیا سروسز پر نظر رکھنے والی ویب سائٹ ڈاؤن ڈیٹیکٹر نے بھی واٹس ایپ سروس میں خلل کی تصدیق کی اور بتایا کہ صارفین کو سروس کے استعمال میں مشکلات کا سامنا ہے۔

صارفین واٹس ایپ پر موصول ہونے والے آڈیو، ویڈیوز میسجز کو بھی ڈاؤن لوڈ کرنے سے قاصر ہیں جبکہ انسٹاگرام پر صارفین کو فیڈ بھی نظر نہیں آرہی اور نہ ہی وہ کوئی تصویر شیئر کر پارہے ہیں۔