سوشل میڈیا ریلز دیکھنے والے نوجوان ہائی بلڈ پریشر میں مبتلا، خوفناک تحقیق

ایک نئی تحقیق سے معلوم ہوا ہے کہ ریلز دیکھنا نہ صرف وقت کا ضیاع اور توجہ ہٹانے کا باعث بنتا ہے بلکہ یہ نوجوانوں میں صحت کے مسائل کا سبب بھی بنتا ہے، جن میں سے ایک بلڈ پریشر کا بڑھنا ہے۔

تحقیق کے دوران 4,300 سے زائد نوجوان اور درمیانی عمر کے چینی افراد کا ڈیٹا جمع کیا گیا۔

اس دوران انکشاف ہوا کہ انسٹاگرام ریلز اور ٹک ٹاک جیسی مختصر ویڈیوز کو رات گئے دیکھنے اور بلڈ پریشر کی سطح میں اضافے کے درمیان ایک اہم تعلق پایا گیا ہے۔

تحقیق سے پتہ چلتا ہے کہ سونے سے پہلے زیادہ اسکرین ٹائم اعصابی نظام کو شدید نقصان پہنچا سکتا ہے، جس سے جسم متحرک ہوگا اور پھر دل کی دھڑکن بلڈ پریشن جیسی بیماریاں ہوں گی۔

کارڈیالوجسٹ ڈاکٹر دیپک کرشنامورتی زور دیتے ہیں کہ مختصر ویڈیو مواد کی لت نہ صرف ایک بڑی رکاوٹ ہے بلکہ یہ بلڈ پریشر میں اضافے میں بھی معاون ہے۔

وہ ایسی ایپلی کیشنز کو اَن انسٹال کرنے اور ان صحت کے خطرات کو کم کرنے کے لیے نیند کی بہتر عادات اپنانے کا مشورہ دیتے ہیں۔

مطالعہ میں اس بات پر روشنی ڈالی گئی ہے کہ رات گئے مختصر ویڈیو دیکھنے کی غیر فعال نوعیت اکثر کم سے کم جسمانی سرگرمی کا باعث بنتی ہے، جو ہائی بلڈ پریشر جیسے صحت کے مسائل کو بڑھا سکتی ہے۔ دیگر قسم کے اسکرین ٹائم کے برعکس جن میں کچھ حرکت شامل ہو سکتی ہے، مختصر ویڈیوز دیکھنے میں عام طور پر طویل عرصے تک غیر فعالیت شامل ہوتی ہے۔

محققین کی تجویز ہے کہ سوشل میڈیا صارفین خاص طور پر نوجوان، سونے سے پہلے اسکرین ٹائم کو محدود کریں تاکہ ہائی بلڈ پریشر کے پھیلاؤ کو کم کیا جا سکے اور مجموعی صحت کو فروغ دیا جا سکے۔

انہوں نے یہ بھی تجویز دی کہ باقاعدہ جسمانی سرگرمی، مناسب غذائیت اور تناؤ کے مؤثر انتظام کو زندگی کا حصہ بنایا جائے تاکہ ہائی بلڈ پریشر ہونے کے خطرے کو مزید کم کیا جا سکے۔