ایکس کی غیر اعلانیہ بندش، اسلام آباد ہائیکورٹ نے درخواست پر بڑا فیصلہ کرلیا

ملک بھر میں سوشل میڈیا کے معروف پلیٹ فارم ایکس کی غیر اعلانیہ بندش کا معاملہ اسلام آباد ہائیکورٹ پہنچ گیا ہے۔

تفصیلات کے مطابق اسلام آباد کے شہری نے ہائیکورٹ میں درخواست دائر کی جس میں اُس نے لکھا کہ ملک بھر میں 17 فروری سے سوشل میڈیا پلیٹ فارم ٹویٹر غیر اعلانیہ طور پر بند ہے اور اس پر پابندی عائد کی گئی ہے۔

درخواست گزار نے لکھا کہ سوشل میڈیا کی بندش آرٹیکل 19 کی خلاف ورزی ہے لہذا عدالت کیس کی سماعت کر کے پابندی کو ختم اور سروس مکمل بحال کرنے کا حکم دے۔

درخواست میں پاکستان ٹیلی کمیونیکشن اتھارٹی (پی ٹی اے) اور وزارت اطلاعات کو بھی فریق بنایا گیا ہے۔

اسلام آباد ہائیکورٹ کے رجسٹرار کے مطابق درخواست کو کل سماعت کیلیے مقرر کرلیا گیا ہے جس پر چیف جسٹس عامر فاروق سماعت کریں گے، اس حوالے سے متعلقہ فریقین کو نوٹسسز بھی جاری کردیے گئے ہیں۔