آوارہ کتوں کے حملے سے بچہ جاں بحق

ڈیرہ غازی خان کے ضلع مظفر گڑھ کی تحصیل علی پور میں آوارہ کتوں کے حملے میں کمسن بچہ جانبحق ہوگیا۔

اہل خانہ کی جانب سے فراہم کی گئی معلومات کے مطابق واقعہ کاندائی پولیس اسٹیشن کی حدود میں پیش آیا جہاں آوارہ کتوں نے رضوان نامی بچے کو حملہ کر کے بھنبھور ڈالا۔

بچے کو زخمی حالت میں علی پور کے تحصیل ہیڈ کوارٹر اسپتال میں منتقل کیا گیا جہاں ڈاکٹر نے حالت دیکھتے ہوئے اسے نشتر اسپتال ملتان بھیج دیا۔

نشتر اسپتال میں بچہ 3 دن زیر علاج رہا اور آج ہفتے کے روز انتقال کرگیا۔ پولیس نے واقعے کے حوالے سے تحقیقات شروع کردی ہیں۔

علاقہ مکینوں کا کہنا ہےکہ آوارہ کتے بڑی تعداد میں ہونے کیوجہ سے صورتحال انتہائی خراب ہے اور انتظامیہ اس حوالے سے کوئی ایکشن بھی نہیں کے رہی۔