دیرینہ دشمنی نے پورا گھر اجاڑ دیا، باپ اور تین بیٹے قتل

خیبرپختونخوا کے ضلع چارسدہ کے علاقے بٹگرام میں دیرینہ دشمنی نے پورا گھر اجاڑ ڈالا۔

تفصیلات کے مطابق شبقدر کے علاقے بٹگرام میں دیرینہ دشمنی پر مخالفین نے فائرنگ کر کے باپ اور تین بیٹوں کو قتل کردیا۔

ریسکیو حکام کے مطابق جاں بحق افراد میں فانوس خان،بلال، انعام اللہ اور بیت اللہ کے ناموں سے ہوئی جبکہ فائرنگ سے ایک شخص زخمی بھی ہوا۔

پولیس کے مطابق فائرنگ کے واقعے کے بعد جائے وقوعہ سے شواہد اکھٹے کر کے تفتیش کا آغاز کردیا گیا ہے۔