گاڑی سے ٹک ٹاکر سمیت 2 افراد کی لاشیں برآمد

سندھ کے ضلع خیرپور میں گاڑی سے ٹک ٹاکر خاتون سمیت دو افراد کی لاشیں برآمد ہوئی ہیں۔

تفصیلات کے مطابق خیرپور میں کھڑی ایک گاڑی سے دو لاشیں برآمد ہوئیں جن میں سے ایک ٹک ٹاکر کی تھی، جس کی شناخت سیما خاصخیلی کے نام ہوئی۔

اُدھر وزیر داخلہ سندھ نے ضلع خیرپور میں کار سے خاتون سمیت 2 ٹک ٹاکرز کی لاشیں ملنے کا نوٹس لیتے ہوئے ایس ایس پی خیر پور سے تفصیلات طلب کیں اور ہدایت کی کہ عینی شاہدین اور واقعات شواہد کا نوٹس لے کر مؤثر تفتیش کی جائے۔

انہوں نے ملزمان کو قانون کی گرفت میں لانے کی ہدایت کی اور کہا کہ تحقیقات کا انتہائی باریک بینی سے جائزہ لیا جائے۔