حکومت نے پیٹرول اور ڈیزل کی قیمتوں میں بڑا اضافہ کردیا

حکومت نے عالمی مارکیٹ میں تیل کی قیمتیں بڑھنے کے بعد عوام پر پیٹرولیم مصنوعات کی قیمتوں کا بوجھ ڈال دیا۔

تفصیلات کے مطابق حکومت نے اگلے ایک ہفتے کیلیے پیٹرول اور ڈیزل کی قیمت میں بڑا اضافہ کردیا۔

وزارت پیٹرولیم کی جانب سے جاری اعلامیے کے مطابق اگلے ایک ہفتے کیلیے پیٹرول کی قیمت میں 13 روپے 18 پیسے کا اضافہ کیا گیا ہے جس کے بعد نئی قیمت 310 روپے 71 پیسے پر پہنچ گئی۔

اس کے علاوہ ڈیزل کی قیمت میں 13 روپے 80 پیسے کا اضافہ کیا جس کے بعد ریٹ 323 روپے 30 پیسے کی سطح پر پہنچ گئے۔