کراچی، ڈکیتوں نے گاڑی نہ روکنے پر فائرنگ کردی، نوجوان جاں بحق

شہر قائد کے علاقے گلستان جوہر میں ڈکیتوں نے گاڑی نہ روکنے پر کار سوار پر فائرنگ کی جس کے نتیجے میں وہ زخموں کی تاب نہ لاتے ہوئے جاں بحق ہوگئے۔

تفصیلات کے مطابق شہرقائد میں ڈکیتوں نے ایک اورنوجوان کی جان لےلی، گلستان جوہرمیں گاڑی نہ روکنے پرڈکیتوں نے فائرنگ کی، جس کے نتیجے میں گاڑی میں سوار نوجوان شدید زخمی ہوا۔

عینی شاہدین کے مطابق زخمی نوجوان کواس کا بھائی اسپتال لے جا رہا تھا کہ گلستان جوہرفلائی اوورکے نتیجے گاڑی الٹ گئی،        جس کے نتیجے میں ڈرائیور (بھائی) بھی زخمی ہوگیا۔

اس کے بعد دونوں بھائیوں کو گلستان جوہر میں واقع نجی اسپتال منتقل کیا گیا جہاں ڈاکوؤں کی فائرنگ سے زخمی ہونے والا نوجوان دم توڑ گیا۔