کچے کے ڈاکوؤں نے ڈاکٹر کو اغوا کرلیا، ڈیڑھ کروڑ تاوان طلب

سندھ کے ضلع خیرپور کے گمس گمبٹ اسپتال کے ڈاکٹر کو مبینہ طور پر کچے کے ڈاکوؤں نے اغوا کرلیا۔

تفصیلات کے مطابق ڈاکٹر خالد محمود مگسی گمس اسپتال میں بلڈ بینک کے انچارج جبکہ رحیم یار خان کے رہائشی ہیں جنہیں پیر کے روز کچے کے ڈاکوؤں نے اغوا کیا۔

اسپتال انتظامیہ کے مطابق ڈاکٹر کو اسپتال سے گھر واپسی پر اغوا کیا گیا جبکہ ڈاکوؤں نے اہل خانہ سے رابطہ کر کے ڈیڑھ کروڑ روپے تاوان طلب کیا ہے۔

اسپتال انتظامیہ نے مطالبہ کیا کہ پنجاب اور سندھ پولیس حکام نوٹس لیکر ڈاکٹر کی فوری بازیابی یقینی بنائیں۔