کراچی: موٹر سائیکل کی ڈبل سواری پر پابندی عائد

کراچی: شہر قائد میں موٹر سائیکل کی ڈبل سواری پر دفعہ 144 کے تحت پابندی عائد کردی گئی۔

محکمہ داخلہ سندھ کی جانب سے جاری نوٹیفکیشن کے مطابق موٹر سائیکل کی ڈبل سواری  پر پابندی یکم جنوری تک ہوگی۔

نوٹیفکیشن کے تحت شہر میں اسلحے کی نمائش اور ہوائی فائرنگ پر بھی پابندی عائد کردی گئی ہے، ہوائی فائرنگ کرنے والوں کی نشاندہی کے لیے ڈرون کیمرے اڑانے کا  بھی فیصلہ کیا گیا ہے۔

پولیس کے مطابق کراچی میں  پہلی مرتبہ ہوائی فائرنگ کی  روک تھام کے لیے ڈرون  اڑائے جائیں گے۔

پولیس کا کہنا ہے کہ لیاقت آباد، شریف آباد، عزیزآباد، ناظم آباد  اور دیگر علاقوں  میں ڈرون اڑانے کا فیصلہ کیا گیا ہے۔ ہوائی فائرنگ کرنے والوں کی  ویڈیو  ریکارڈ  کرکے مقدمہ  درج کیا جائیگا۔

پولیس حکام کے مطابق 16 سے زائد تھانوں کو ڈرون کیمرے فراہم کردیے گئے ہیں۔