کراچی کی سڑکوں پر موت کا رقص، میاں بیوی جاں بحق

شہر قائد میں سڑکوں پر موت کا رقص جاری ہے اور ایک نئے ٹریفک حادثے میں تیز رفتار کار ڈرائیور نے موٹرسائیکل پر سوار میاں بیوی کو کچل کر ہلاک کردیا۔

تفصیلات کے مطابق شاہراہ فیصل پر واقع فیصل بیس کے قریب ٹریفک حادثہ بائیک سوار میاں بیوی جاں بحق ہوئے جن کی شناخت 30 سالہ ایاز اور 25 سالہ اقصیٰ کے نام سے ہوئی۔

حادثہ فوزیہ صدیقی فلائی اوور کے قریب نامعلوم کار کی ٹکر سے پیش آیا، جس میں عوام نے تشدد کے بعد ڈرائیور کو پولیس کے حوالے کردیا۔

پولیس نے موقع پر پہنچ کر گاڑی کو توڑ پھوڑ اور نذر آتش کرنے سے بچاتے ہوئے مشتعل افراد کو منتشر کردیا۔