کراچی میں ڈاکو راج، 20 روز میں دوسری واردات، مزاحمت پر دکاندار قتل

شہر قائد میں ڈاکو راج جاری ہے اور ایک بار پھر مزاحمت کرنے پر مسلح افراد نے شہری کی جان لے لیا۔

تفصیلات کے مطابق کورنگی مہران ٹاؤن انڈسٹریل ایریا میں قائم پی ٹی اے واٹر پلانٹ اور سیکٹر سی کے قریب ڈکیتوں نے مزاحمت پر 55 سالہ شخص کو گولی مار کر جان لے لی۔

متوفی کو زخمی حالت میں جناح اسپتال منتقل کیا گیا جہاں وہ زخموں کی تاب نہ لاتے ہوئے چل بسا جبکہ شناخت 55 سال امیر کے نام سے ہوئی اور تعلق پشاور سے نکلا۔

بھتیجے یاسر کے مطابق چچا کی پرچیون کی دکان تھی، جس پر ڈکیتوں نے آکر واردات کی اور مزاحمت پر چچا کے سینے میں گولی مار دی۔

یاسر کے مطابق 20 روز قبل بھی دکان میں ڈکیتی کی واردات ہوئی تھی اور ڈاکو سب کچھ لوٹ کر لے گئے تھے۔