کراچی میں ڈکیتوں کی فائرنگ سے 2 سالہ بچی جاں بحق

شہر قائد کے علاقے کورنگی نمبر چار میں مسلح ڈکیتوں کی فائرنگ سے دو سال کی بچی جاں بحق ہوگئی۔

تفصیلات کے مطابق شہر قائد میں ڈاکو راج قائم ہے اور سال 2024 کے 54 روز میں ڈکیتوں نے 29 شہریوں کو مزاحمت پر قتل کردیا۔ 

کورنگی نمبر چار میں ڈکیتوں کی فائرنگ کی زد میں آکر دو سالہ بچی حورین جاں بحق ہوئی، جس کی پولیس نے بھی تصدیق کردی۔

بچی کی لاش کو ضابطے کی کارروائی کیلیے جناح اسپتال منتقل کیا گیا، جہاں ڈاکٹرز نے بتایا کہ گردن پر گولی لگنے کی وجہ سے بچی کی موت واقع ہوئی۔

اُدھر منگھوپیر زیبو گوٹھ میں فائرنگ ایک شخص زخمی ہوا جس کی شناخت احسن کے نام سے ہوئی۔