کراچی میں ہیٹ اسٹروک سے مزید اموات

شہر قائد میں گرمی کے دوران اموات کا سلسلہ جاری ہے اور تیس جون یعنی گزشتہ روز بھی مزید 6 افراد انتقال کرگئے ہیں۔

محکمہ صحت سندھ نے تصدیق کی کہ کراچی میں دس روز یعنی 21 سے 30 جون تک ہیٹ اسٹروک کی وجہ سے 45 اموات ہوئیں ہیں،   ہفتے اور اتوار کو مزید چھ اموات ہوئیں۔

سیکریٹری محکمہ صحت کے مطابق ہیٹ اسٹروک سے عباسی شہید اسپتال میں 5 ،  جناح اسپتال میں 1 شخص کا انتقال ہوا ہے۔

واضح رہے کہ شہر میں بدترین گرمی اور لوڈشیڈنگ کے باعث شہریوں کی اموات میں ایک دم سے تیزی دیکھنے میں آئی ہے، ایدھی فاؤنڈیشن کے سربراہ فیصل ایدھی نے کہا ہے کہ لوڈشیڈنگ والے علاقوں سے زیادہ لاشیں لائی گئیں ہیں۔