کراچی میں سال نو کی آمد کے موقع پر بڑی پابندیاں عائد

کراچی میں انتظامیہ نے سال نو کے موقع پر ہوائی فائرنگ اور آتش بازی پر پابندی عائد کردی۔

کمشنر کراچی نے شہر بھر میں دو روز کےلیے دفعہ 144 کے نفاذ کا نوٹیفکیشن جاری کردیا۔ جس کے مطابق نئے سال کے موقع پر ہوائی فائرنگ اور آتش بازی پر پابندی ہوگی۔

دفعہ 144 کے تحت اسلحے کی نمائش پر بھی پابندی ہوگی اور اس کا اطلاق 31 دسمبر سے یکم جنوری تک ہوگا۔

واضح رہے کہ شہر قائد میں ہر سال اکتیس دسمبر کی رات کو سال نو کی آمد پر ہوائی فائرنگ کے باعث متعدد افراد زخمی جبکہ کچھ جاں بحق ہوجاتے ہیں۔

پولیس کی جانب سے ہر سال ہوائی فائرنگ کی روک تھام کیلیے سخت اقدامات اور شہریوں کی آگاہی کیلیے مہم بھی چلائی جاتی ہے۔