کراچی میں تیز رفتار گاڑی کی ٹکر سے دادا اور ڈیڑھ سالہ پوتا جاں بحق

کراچی کے علاقے سپرہائی وے کی تیز ترین سڑک سے سڑک پار کے دوران گاڑی کی ٹکر سے دادی اور اُن کا چار سالہ پوتہ جاں بحق ہوگیا۔ 

سپرہائی وے نیو سبزی منڈی کے قریب 60سالہ مریم اپنے ڈیڑھ سالہ پوتے صارم کے ساتھ سڑک پار کر رہی تھیں کہ  اس دوران تیز رفتار نامعلوم گاڑی کے ڈرائیور نے ٹکر مار دی۔

گاڑی سے ٹکرانے کے نتیجے میں خاتون اور اُن کا پوتا موقع پر ہی جاں بحق ہوگئے اور دونوں ہی سبزی منڈی کے عقب میں قائم بستی کے رہائشی تھے۔ ریسکیو ٹیم نے دونوں کی لاشیں اسپتال منتقل کردی۔

پولیس نے قانونی کارروائی کے بعد لاشیں ورثا کے حوالے کردیں جبکہ معلوم ہوا ہے کہ گاڑی کا ڈرائیور حادثے کے فوری بعد موقع سے فرار ہوگیا۔