کراچی میں واٹرٹینکر نے موٹرسائیکل سوار کو کچل دیا

کراچی کے علاقے کورنگی کراسنگ کے قریب واٹر ٹینکر نے موٹرسائیکل خاتون کو کچل کر مارڈالا۔ جس کے بعد رواں سال میں ہونے والی ہلاکتوں کی تعداد 305 تک پہنچ گئی۔

پولیس کے مطابق خاتون کے ساتھ موجود موٹرسائیکل چلانے والا شخص معمولی زخمی ہوا جسے اسپتال منتقل کردیا گیا ہے۔

واقعے کے بعد جائے حادثہ پر شہریوں کی بڑی تعداد جمع ہوگئی، جنہوں نے شدید غم و غصے کا اظہار کرتے ہوئے واٹر ٹینکر کو آگ لگا دی۔ پولیس کا کہنا ہے کہ حادثے کے بعد ڈرائیور فرار ہوگیا، جس کی تلاش جاری ہے۔

عینی شاہدین کے مطابق واٹر ٹینکر کا ڈرائیور لاپراہی اور تیز رفتاری سے گاڑی چلا رہا تھا جس نے موٹرسائیکل سوار کو دیکھا تک نہیں تھا۔