لاہور میں لڑکی کو ہراساں کرنے پر پولیس اہلکار کے خلاف مقدمہ درج

لڑکی کو ہراساں کرنے اور نازیبا اشاروں پر پولیس اہلکار کے خلاف پرچہ کٹ گیا۔

اطلاعات کے مطابق پولیس لائنز میں تعینات اویس جعفر نامی اہلکار نے اپنی بہن کے ساتھ موٹرسائیکل پر جانے والی انعم نامی لڑکی پر آوازیں کسیں اور نازیبا اشارے کیے۔

خاتون نے مذکورہ اہلکار کے خلاف تھانہ مصری شاہ میں درخواست دے کر مقدمہ درج کروایا جس میں بتایا گیا ہے کہ میں اپنی بہن کے ساتھ گڑھی شاہو کے علاقے سے مصری شاہ جارہی تھی کہ اس دوران کپ اسٹور کے قریب موٹر سائیکل خراب ہوئی۔

ایف آئی آر میں لکھا گیا ہے کہ موٹرسائیکل سوار پولیس اہلکار نے اکیلے دیکھ کر مجھے اور بہن کو ہراساں کیا، آوازیں کسیں اور نازیبا اشارے بھی کیے۔ پولیس نے شکایت پر مقدمہ درج تو کرلیا تاہم کئی گھنٹے گزر جانے کے باوجود ملزم کی گرفتاری عمل میں نہیں آسکی۔