لاہور میں پڑوسی کی اپنے بچوں کے 7 سالہ دوست سے زیادتی

لاہور کے علاقے ساندہ میں پڑوسی نے اپنے بچوں کے 7 سالہ دوست کو زیادتی کا نشانہ بنا ڈالا۔

تفصیلات کے مطابق ساندہ کے علاقے میں متاثرہ بچہ فیضان اپنے ہمسائے کے گھر بچوں کے ساتھ کھیلنے گیا تو وہاں پر بچے موجود نہیں تھے۔

اس دوران بچوں کے والد اور ملزم سلمان نے پڑوس سے آئے بچے کو زیادتی کا نشانہ بنایا۔

بچہ جب واپس اپنے گھر پہنچا تو اُس نے اپنے اہل خانہ کو ساری صورت حال بتائی جس پر گھر والوں نے 15 پر کال کر کے پولیس کو طلب کیا اور پھر ساندہ پولیس نے ملزم کو گرفتار کرلیا۔

پولیس نے ملزم کو گرفتار کر کے مقدمہ درج کرلیا جبکہ بچے کو میڈیکل کے لیے اسپتال منتقل کردیا۔