لاڑکانہ میں پولیس اہلکار کی 18 سالہ بیٹی غیرت کے نام پر قتل

لاڑکانہ میں غیرت کے نام پر پولیس اہلکار کی 18 سالہ بیٹی کو فائرنگ کرکے قتل کردیا گیا۔

پولیس کے مطابق قمبر کے علاقے میں کار سوار افراد نے نور شاہ بخاری قبرستان میں 18 سالہ لڑکی الماس بروڑو پر فائرنگ کیا اور فرار ہوگئے۔

مقتولہ قمبر کی رہائشی اور پولیس اہل کار سفیر برڑو کی بیٹی تھی۔ پولیس کا کہنا ہے کہ ابتدائی تحقیقات میں واقعہ غیرت کے نام پر قتل کا معلوم ہے۔

پولیس نے لاش کو ضابطے کی کارروائی کے لیے اسپتال منتقل کردیا اور واقعے کی تحقیقات شروع کردی ہے۔