مراکش کشتی حادثہ، 44 میں سے صرف 13 پاکستانیوں کی لاشوں کی شناخت ہوگئی، باقی لاپتہ

مراکش کشتی حادثے میں جاں بحق ہونے والے 44 پاکستانیوں میں سے 13 کی لاشیں مل گئیں اور اُن کی شناخت بھی ہوگئی ہے۔ 

تفصیلات کے مطابق 13 لاشوں کی شناخت پاکستان کی جانب سے کی گئی ہے۔ جن لاشوں کی تصدیق ہوئی اُن میں سے بیشتر پنجاب سے تعلق رکھنے والے شہری ہیں۔

ان میں صفیان علی، سجاد علی، رئیس افضل، قصنین حیدر، محمد وقاص، محمد اکرم، محمد ارسلان خان، حامد شبیر، قیصر اقبال، دانش رحمان، سجاول، شہزاد احمد، احتشام شامل ہیں۔

واضح رہے کہ کشتی حادثے میں 44 پاکستانی انسانی اسمگلر کی سفاکیت کا نشانہ بنے جن میں سے اب تک صرف 13 ہی لاشیں برآمد یا شناخت کے قابل ہوچکی ہیں۔