پولیس اہلکار نے 23 سالہ بیوی کو قتل کردیا

لاہور کے علاقے ہنجروال میں پولیس اہلکار نے گھریلو تنازعات پر ساتھیوں کے ساتھ ملکر 23 سالہ بیوی کو قتل کردیا۔

تفصیلات کے مطابق لاہور کے علاقے ہنجروال میں گھر سے خاتون کی خون آلود لاش ملی تھی جس کو ضابطے کی کارروائی کے بعد لواحقین کے حوالے کیا گیا اور پھر اُس کی تدفین کردی گئی۔

اب اس کیس کی ایک نئی پیشرفت سامنے آئی اور وہ یہ ہے کہ عامر نامی پولیس اہلکار نے مبینہ طور پر اپنے دو ساتھیوں کے ساتھ ملکر 23 سالہ اہلیہ کو قتل کیا ہے،

مقتولہ کے بھائی کی مدعیت میں خاتون کے قتل کا مقدمہ پولیس اہلکار اور اُس کے دو ساتھیوں کیخلاف درج کرلیا گیا ہے۔

پولیس نے واقعے کا مقدمہ درج کرنے کے بعد تفتیش شروع کردی ہے۔