شانگلہ کے 6 شہری کوئلے کی کان میں دب کر ہلاک

خیبرپختونخوا کے دو اضلاع اور بلوچستان میں کوئلے کی کان میں حادثات سے 6 کان کن جاں بحق ہوگئے۔

تفصیلات کے مطابق خیبرپختونخوا کے ضلع خیبر، کرم اور بلوچستان میں کوئلہ کان حادثات میں ضلع شانگلہ کے چھ مزدور جاں بحق ہوگئے جن کی اموات پر وزیر اعلی خیبر پختونخوا سردار علی امین گنڈاپور کا اظہار افسوس کیا ہے۔

وزیر اعلی نے سوگوار خاندانوں سے دلی ہمدردی اور تعزیت کا اظہار کیا اور جاں بحق افراد کی معفرت اور پسماندگان کے لئے صبر جمیل کی دعا کی ہے۔

وزیراعلیٰ نے اپنے بیان میں کہا کہ سوگوار خاندانوں کے غم میں برابر کے شریک ہیں اور اُن کے ساتھ ہر ممکن تعاون کریں گے۔