ساہیوال کے سرکاری اسپتال میں ڈاکٹرز مریضوں کی دیکھ بھال کے بجائے لیڈو کھیلنے میں مصروف

پنجاب کے علاقے ساہیوال کے ایک سرکاری ہسپتال میں ڈاکٹرز اور عملہ مریضوں کا علاج کرنے کے بجائے اپنے دفتر میں لڈو کھیلتے ہوئے پکڑا گیا۔

 سول اسپتال میں زیر علاج مریضوں کے تیمارداروں نے ڈاکٹروں کی حیران کن غفلت کی ویڈیو سوشل میڈیا پر شیئر کی

 ویڈیو میں دکھایا گیا ہے کہ مریضوں کے اٹینڈنٹ ڈاکٹروں سے اپنے پیاروں کا معائنہ کرنے کی التجا کررہے ہیں۔

 جواب میں، ایک خاتون ڈاکٹر نے ہسپتال کے گارڈز کو حکم دیا کہ وہ اٹینڈنٹ کو کمرے سے ہٹا دیں مریضوں کے لواحقین بظاہر پریشان تھے، ڈاکٹروں سے التجا کرتے تھے کہ وہ اپنے فرائض کو ترجیح دیں۔

 اس واقعے نے ہسپتال کے عملے کی مریضوں کی دیکھ بھال کے حوالے سے بے پروائی کو اجاگر کیا۔

 چونکا دینے والے واقعے نے پنجاب میں صحت کی دیکھ بھال کی حالت اور طبی اداروں کے اندر جوابدہی کے بارے میں بھی سنگین خدشات کو جنم دیا۔

 ویڈیو سوشل میڈیا پر وائرل ہوتے ہی لوگوں نے حکومت سے غیر ذمہ دار طبی عملے کے خلاف کارروائی کا مطالبہ کیا۔

 تاہم اسپتال انتظامیہ نے ابھی تک اس معاملے پر کوئی تبصرہ نہیں کیا ہے۔