سوات واقعہ، ملزم نے توہین سے انکار کیا، ابتدائی رپورٹ میں پولیس کی غلفت کا انکشاف

سوات کے علاقے مدین میں مبینہ طور پر توہین قرآن کے الزام پر شہری کو آگ میں جلانے کے واقعے میں پولیس کارکردگی کی سنگین غفلت سامنے آئی ہے۔

تفصیلات کے مطابق سوات میں مبینہ توہین مذہب واقعہ سے متعلق وزارت داخلہ کے ماتحت ادارے کی رپورٹ سامنے آگئی جس میں پولیس کی اہم غلطی کی نشاندہی کی گئی اور بتایا گیا ہے کہ اسی غلطی کی وجہ سے سیاح کو مارا گیا ہے۔

رپورٹ کے مطابق پولیس نے ملزم کو تھانے منتقل کیا جو اہم غلطی ثابت ہوئی،  ایس ایچ او نے حکام سے رہنمائی حاصل نہیں کی نہ اسے محفوظ مقام منتقل کیا، ہجوم کےوقت اعلیٰ پولیس افسران یا سیاسی رہنماوں کی غیرموجودگی بھی نقصان کا باعث بنی۔

رپورٹ میں کہا گیا ہے کہ پولیس کی حراست میں ملزم نے توہین مذہب سے انکار کیا، پولیس نے دلیری سے نقصان پر قابو پانے کی کوشش کی البتہ اس دوران تصادم ہوا جس میں گیارہ شہری اور پانچ پولیس اہلکار زخمی ہوئے۔

مشتعل افراد نے تھانے میں گھس پر دو پولیس وین، موٹر سائیکلیں اور پانچ گاڑیاں نذر آتش کیں جبکہ ڈی ایس پی آفس اور ایس ایچ او کوارٹر کو بھی نقصان پہنچایا۔