آئیڈیاز دفاعی نمائش، کراچی میں تعلیمی ادارے بند رکھنے کا اعلان

محکمہ تعلیم سندھ نے کراچی میں منعقد ہونے والی دفاعی نمائش آئیڈیاز کے پیش نظر مخصوص علاقوں کے تعلیمی اداروں کو بند رکھنے کا اعلان کردیا۔

محکمہ تعلیم سندھ کے مطابق 4 دن کیلیے شاہراہ فیصل کے قریب تعلیمی اداروں میں تعطیل ہوگی اس کے علاوہ  19 سے 22 نومبر تک حبیب ابراہیم روڈ پر واقع تعلیمی اداروں میں بھی تعطیل ہوگی۔

واضح رہے کہ کراچی میں دفاعی نمائش کا انعقاد کیا جارہا ہے جس میں 55 ممالک کے 200 سے زائد وفود شرکت کریں گے۔