بابر اعظم نے آئی سی سی ورلڈ کپ ٹرافی پر نظریں جمالیں

لاہور: عظیم بلے باز بابر اعظم نے پاکستان کے لیے ورلڈ کپ ٹرافی اٹھانے پر اپنی نظریں مرکوز کرلیں، یہ کہتے ہوئے کہ وہ اپنی فٹنس اور کھیل پر سخت محنت کر رہے ہیں ۔

بابر اعظم گزشتہ ایک دہائی کے دوران پاکستان کے لیے ایک شاندار بلے باز بن چکے ہیں اور ان کے نام 32  بین الاقوامی سنچریاں ہیں، جو کسی بھی پاکستانی بلے باز کی چوتھی سب سے زیادہ سنچریاں ہیں۔

تاہم، وہ اپنی قیادت میں ایسا کرنے کے دہانے پر ہونے کے باوجود ابھی تک اپنی ٹیم کے لیے ٹرافی نہیں جیت سکے، انہوں نے انگلینڈ کے خلاف 2022 میں آئی سی سی ٹی 20 ورلڈ کپ کے فائنل میں پاکستان کی کپتانی کی، جس میں وہ بالآخر پانچ وکٹوں سے ہار گئے۔

پاکستان نے آخری بار ورلڈ کپ ٹرافی 2009 میں یونس خان کی قیادت جیتی تھی۔

انگلینڈ کے سابق کرکٹر کیون پیٹرسن کے ساتھ ایک واضح گفتگو میں، بابر نے اپنے کرکٹ کیریئر کے مختلف پہلوں پر روشنی ڈالی۔

اگلے پانچ سالوں میں اپنے اہداف کے بارے میں پوچھے جانے پر انہوں نے جواب دیا کہ ان کا سب سے بڑا خواب آئی سی سی ٹرافی جیتنا ہے۔

انہوں نے کہا کہ ہم آئی سی سی ٹرافی جیتنا چاہتے ہیں، ہم T20 ورلڈ کپ اور ایشیا کپ کے فائنل میں پہنچے لیکن ہم ہار گئے۔

انہوں نے کہا کہ اسی لیے میں اپنی فٹنس اور ہر چیز پر سخت محنت کر رہا ہوں۔

بابر اعظم نے پاکستان کے پریمیئر بلے باز کے طور پر ان توقعات اور دبا کے بارے میں بھی بات کی۔

انہوں نے بیٹنگ کے دوران ذہنی چیلنجوں سے نمٹنے پر کہا کہ میں بھی ایک انسان ہوں۔ بعض اوقات آپ غلطیاں کرتے ہیں۔ بنیادی چیز توجہ مرکوز کرنا ہے۔ میں کسی کی بھی نہیں سنتا، میں اپنے آپ کی اور اپنے کوچز سے بات کرتا ہوں۔