ندا ڈار نے ٹی ٹوئنٹی انٹرنیشنل میں اہم ریکارڈ بنا لیا

پاکستانی قومی ویمن کرکٹ ٹیم کی کپتان ندا ڈار نے انگلینڈ ویمن کرکٹ ٹیم کے خلاف سیریز کے دوسرے میچ میں  بین الاقوامی ٹی ٹوئنٹی کرکٹ کا ایک اہم اعزاز اپنے نام کرلیا ہے۔

 پاکستان کی کپتان ندا ڈار نارتھمپٹن میں کھیلے گئے میچ میں ویمنز ٹی ٹوئنٹی انٹرنیشنل میں سب سے زیادہ 137 وکٹیں حاصل کرنے والی بولر بن گئیں۔

انہوں نے 137 ویں وکٹ حاصل کرنے کے بعد آسٹریلیا کی میگن شوٹ کی 136 وکٹوں کا ریکارڈ اپنے نام کیا۔

واضح رہے کہ پاکستان ویمنز کو دوسرے ٹی ٹوئنٹی انٹرنیشنل میں انگلینڈ ویمنز نے 65 رنز سے ہرادیا تھا، تین میچوں کی سیریز میں انگلینڈ ویمنز کو دو صفر کی برتری حاصل ہے۔