انگلینڈ کا پاکستان کیخلاف ٹیسٹ سیریز کیلئے اسکواڈ کا اعلان

پاکستان کے خلاف ٹیسٹ سیریز کے لیے انگلینڈ کرکٹ ٹیم نے 17 رکنی اسکواڈ کا اعلان کر دیا۔

بین اسٹوکس پاکستان کے خلاف 3 ٹیسٹ میچز کی سیریز میں انگلینڈ کی قیادت کریں گے، ان کی انجری کے بعد ٹیم میں واپسی ہوئی ہے۔

دیگر کھلاڑیوں میں شعیب بشیر ، ہیری بروک، ریحان احمد ،گس ایٹکنسن، برائیڈن کارس ،جارڈن کاکس، ذیک کرالی،  بین ڈکٹ ،  جوش ہل ، جیک لیچ، اولی پوپ، میتھیو پاٹس ،جو روٹ ، جیمی اسمتھ ، اولی اسٹون اور کرس ووکس شامل ہیں۔

یاد رہے کہ انگلینڈ اور پاکستان کے درمیان اکتوبر میں 3 ٹیسٹ میچ کی سیریز شیڈول ہے۔کراچی کے اسٹیڈیم کے تعمیراتی کاموں کی وجہ سے پاک انگلینڈ سیریز کے وینیو کی تبدیلی کی خبریں سامنے آئیں تھیں۔

تاہم پی سی بی نے سیریز کے نئے شیڈول کا اعلان کرنا ہے۔ توقع ہے کہ پی سی بی سیریز کے شیڈول کا رواں ہفتے کے آخر تک اعلان کر دے گا۔