انکار کے بعد بابر اعظم کو اب رضوان کی کپتانی میں کھیلنا ہوگا

بابر اعظم کے انکار کے بعد اب محمد رضوان کو کپتان بنانے کا فیصلہ کیا گیا ہے اور بلے باز قومی وکٹ کیپر کی قیادت میں میچ کھیلیں گے۔

تفصیلات کے مطابق کینیڈا کی گلوبل ٹی ٹوئنٹی لیگ کیلیے فرنچائز وینکوور نائٹس نے محمد رضوان کو رواں سیزن کا کپتان مقرر کردیا ہے۔

اس ٹیم میں بابر اعظم کے علاوہ محمد عامر اور آصف علی بھی شامل ہیں اس کے علاوہ جنوبی افریقا کے ڈیوائن پریٹورییس، نیپال کے سندیپ لمیچانے بھی شامل ہیں۔

کپتان کا اعلان ہونے کے بعد فرنچائز نے محمد رضوان کو ’سر‘ کا لقب بھی دیا۔ فرنچائز نے امید ظاہر کی ہے کہ محمد رضوان کی قیادت میں ٹیم فتح حاصل کرے گی۔

واضح رہے کہ کینیڈا میں گلوبل ٹی ٹوئنٹی لیگ 25 جولائی سے 11 اگست تک کھیلی جائے گی جس میں چار ٹیمیں مد مقابل ہوں گی۔