پاکستان اور انگلینڈ کے درمیان تیسرا ٹی 20 بارش کی نظر

انگلینڈ اور پاکستان کے درمیان برطانیہ کے شہر کارڈف میں کھیلا جانے والا تیسرا ٹی 20 میچ بھی بارش کی نظر ہوگیا۔

تفصیلات کے مطابق کارڈف میں مسلسل بارش کی وجہ سے تیسرا ٹی 20 میچ پہلے تاخیر کا شکار ہوا تاہم وقت گزرنے کے بعد امپائرز نے ٹاس ہوئے بغیر ہی میچ منسوخ کرنے کا اعلان کیا۔

واضح رہے کہ پاکستان اور انگلینڈ کے درمیان چار ٹی 20 میچز کی سیریز میں سے دو میچ بارش کی نظر جبکہ ایک انگلینڈ نے جیت لیا ہے۔

پاکستان اور انگلینڈ کے درمیان سیریز کا پہلا میچ بارش کی نذر ہوا جب کہ دوسرے میں انگلینڈ نے پاکستان کو 23 رن سے شکست دی تھی۔ سیریز کا آخری میچ پاکستان اور انگلینڈ کے درمیان 30 مئی کو کھیلا جائے گا۔