قذافی اسٹیڈیم کا افتتاح وزیراعظم 7 فروری کو کریں گے، مہمان عمران خان انکلوژر میں بیٹھیں گے

پاکستان کرکٹ بورڈ کے مطابق لاہور کے قذافی اسٹیڈیم کی اپ گریڈیشن کا کام مکمل ہوگیا ہے اور اس کا دوبارہ افتتاح وزیر اعظم شہباز شریف کریں گے۔

پی سی بی کی جانب سے جاری شیڈول کے مطابق وزیراعظم شہباز قذافی اسٹیڈیم کا افتتاح 7 فروری شام 7 بجے کرینگے۔

قذافی اسٹیڈیم کی افتتاحی تقریب کے دوران مختلف پرفارمنس اور لیزر لائٹ شو کا بھی اہتمام ہوگا۔چئیرمین پی سی بی محسن نقوی قذافی اسٹیڈیم کی تعمیر میں شامل ایک ہزار ورکرز کو دن ایک بجے ظہرانہ دینگے.

تقریب میں شریک مہمانوں کو عمران خان انکلوژر میں بٹھایا جائے گا جبکہ چمپئینز ٹرافی کیلیے قومی کرکٹ کی کٹ کی رونمائی بھی 7فروری شام ساڑھے سات بجے کی جائے گی۔