قومی ٹیم کے اسپنر نعمان علی آئی سی سی کے پلیئر آف دی منتھ نامزد

ویسٹ انڈیز کے خلاف ٹیسٹ سیریز میں ہوم گراؤنڈ پر شاندار کارکردگی دکھانے پر آئی سی سی نے نعمان علی کو ایک بار پھر مہینے کا بہترین کھلاڑی نامزد کردیا۔

آئی سی سی کی جانب سے ماہ جنوری 2025 کے بہترین کھلاڑیوں کی نامزدگیوں کا اعلان کردیا گیا۔ جس کے مطابق مہینے میں بہترین پرفارمنسس دکھانے والے تین کھلاڑیوں کو نامزد کیا گیا ہے۔

پہلی نامزدگی ویسٹ انڈیز کے جومیل کی ہے جنہوں نے دو میچز میں 19 وکٹیں حاصل کیں اور بلے بازی میں بھی اپنا رنگ دکھاتے ہوئے 85 رنز بنائے۔

اس کے علاوہ نعمان علی کو پلیئر آف دی منتھ نامزد کیا گیا ہے انہوں نے دو میچوں میں 16 وکٹیں حاصل کی اور تیسرے نمبر پر بھارت کے بولر چکرورتی ہیں جنہوں نے چار میچز میں 12 وکٹیں لی ہیں۔

آئی سی سی کی جانب سے نامزد کردہ کھلاڑیوں کو اب شائقین ووٹ دیں گے اور سب سے زیادہ ووٹ حاصل کرنے والے کھلاڑی کو جنوری کا بہترین کھلاڑی قرار دیا جائے گا۔