ارشد ندیم نے گولڈ میڈل جیت لیا

ارشد ندیم نے ایشیائین ایتھلیٹکس چیمپئن شپ میں تاریخی گولڈ میڈل اپنے نام کر لیا

 پاکستان کے ستارہ نیزہ باز ارشد ندیم نے ایشیائی ایتھلیٹکس چیمپئن شپ میں شاندار 85.40 میٹر کے تھرو کے ساتھ گولڈ میڈل اپنے نام کر لیا۔  

ایشیا کے بہترین کھلاڑیوں کے خلاف مقابلے میں ارشد ندیم نے ایک بار پھر اپنی برتری ثابت کرتے ہوئے پوڈیم کی سب سے اوپر والی پوزیشن حاصل کی اور ملک کا نام روشن کیا۔  

ارشد کی کامیابی کی خبر سنتے ہی ان کے آبائی شہر میان چنو میں جشن کا ماحول بن گیا۔ ان کی والدہ نے بتایا کہ وہ اور پوری قوم ارشد کی کامیابی کے لیے دعاگو تھیں۔ 

اس سے قبل جنوبی کوریا میں منعقدہ ایشیائی ایتھلیٹکس چیمپئن شپ کے کوالیفائنگ راؤنڈ میں ارشد ندیم نے اپنے پہلے ہی تھرو میں 86.34 میٹر کا شاندار فاصلہ طے کرتے ہوئے فائنل میں جگہ بنائی تھی۔ یہ کوالیفائنگ راؤنڈ کا سب سے بڑا تھرو تھا۔  

پاکستان کے یاسر سلطان نے بھی اپنے پہلے تھرو میں 76.07 میٹر کا فاصلہ طے کرتے ہوئے فائنل میں جگہ بنائی۔ دوسری جانب بھارتی کھلاڑی یش نے اپنے پہلے تھرو میں 76.67 میٹر کا فاصلہ طے کیا۔  

ارشد ندیم نے چیمپئن شپ سے قبل اپنے انٹرویوز میں بتایا تھا کہ وہ نہ صرف گولڈ میڈل جیتنے بلکہ اپنا ہی ریکارڈ توڑنے کے لیے پرعزم ہیں۔ ان کا ذاتی بہترین کارکردگی 90.18 میٹر ہے جو انہوں نے کامن ویلتھ گیمز 2022 میں حاصل کیا تھا۔  

ماہرین کا کہنا ہے کہ ارشد ندیم کی یہ کامیابی پاکستانی ایتھلیٹکس کے لیے ایک نئی صبح کی نوید ہے اور اس سے نوجوان کھلاڑیوں کے لیے حوصلہ افزائی کا نیا سلسلہ شروع ہوگا۔  

ارشد ندیم اب اگلے ماہ پیرس اولمپکس کی تیاریوں پر توجہ مرکوز کریں گے جہاں وہ پاکستان کی جانب سے اولمپک گولڈ میڈل جیتنے کے خواب کو پورا کرنے کے لیے کوشاں ہوں گے۔