ارشد ندیم اور یاسر سلطان نے جولین تھرو کے مقابلوں میں فتح حاصل کرلی

پاکستانی اولمپک چیمپئین جیولن تھروار ارشد ندیم ایشین ایتھلیٹکس چیمپئن شپ کے فائنل میں پہنچ گئے۔

 پاکستان کے اولمپک گولڈ میڈلسٹ جیولن تھروار ارشد ندیم نے ایشین ایتھلیٹکس چیمپئن شپ کے فائنل میں کوالیفائی کر لیا ہے۔ 

یاسر سلطان نے بھی ایک مضبوط تھرو کے ساتھ فائنل میں اپنی جگہ محفوظ کر لی۔ 

مردوں کے جیولن تھرو کوالیفائنگ راؤنڈ کے گروپ اے میں ارشد ندیم نے اپنی پہہلی باری میں 86.34 میٹر کا شاندار تھرو کرکے فائنل میں جگہ بنائی۔ ان کا یہ تھرو کوالیفائنگ راؤنڈ میں سب سے طویل تھا۔  

اسی دوران، بھارتی ایتھلیٹ یاش نے بھی اچھی کارکردگی کا مظاہرہ کرتے ہوئے پہلی کوشش میں 76.67 میٹر تھرو کیا۔  

ارشد ندیم کی کوالیفکیشن کے بعد پاکستان کے یاسر سلطان نے بھی اپنی پہلی کوشش میں 76.07 میٹر کے تھرو کے ساتھ فائنل میں ترقی کر لی۔  

مردوں کے جیولن تھرو ایونٹ کا فائنل کل، 31 مئی کو پاکستان اسٹینڈرڈ ٹائم کے مطابق 1:10 بجے منعقد ہوگا۔  

اولمپکس کی سرکاری ویب سائٹ کے مطابق، ایشین ایتھلیٹکس چیمپئن شپ کے 26ویں ایڈیشن میں 43 ممالک کے 2,000 سے زائد ایتھلیٹس حصہ لے رہے ہیں۔  

اپنی انسٹاگرام اسٹوری پر ایک ویڈیو پیغام میں ارشد ندیم نے کہا کہ وہ کل صبح 6:15 بجے (جنوبی کوریا وقت کے مطابق) مقابلے میں حصہ لیں گے۔ انہوں نے بتایا کہ یہ گزشتہ سال کے اولمپکس کے بعد ان کا پہلا بین الاقوامی مقابلہ ہے اور انہوں نے مدد کے لیے دعاؤں کی درخواست کی تاکہ وہ اچھی کارکردگی دکھا سکیں اور ملک کا نام روشن کر سکیں۔  

انہوں نے مزید کہا کہ وہ تمغے کی امید رکھتے ہیں اور پاکستان کے لیے مزید کامیابیاں لانا چاہتے ہیں۔  

گزشتہ سال اگست میں، عرشد ندیم نے پیرس اولمپکس میں گولڈ میڈل جیت کر تاریخ رقم کی تھی اور 92.97 میٹر کے شاندار تھرو کے ساتھ نیا اولمپک ریکارڈ قائم کیا تھا۔پ