شاہد آفریدی ٹی 20 ورلڈکپ کے سفیر منتخب

قومی ٹیم کے سابق کپتان اور آل راؤنڈر شاہد آفریدی کو آئی سی سی ٹی20 ورلڈکپ کیلئے سفیر منتخب کرلیا گیا۔

2009 ٹی20 ورلڈکپ فاتح ٹیم کے رکن و سابق کپتان شاہد آفریدی کے علاوہ ٹی20 ورلڈکپ 2024 کیلئے ایمبسڈرز میں بھارت یوراج سنگھ، ویسٹ انڈیز کے کرس گیل اور اولمپک گولڈ میڈلسٹ یوسین بولٹ بھی شامل ہیں۔

سفیر منتخب ہونے پر آفریدی نے کہا کہ میگا ایونٹ میرے لیے ایک خاص اہمیت رکھتا ہے، افتتاحی ایڈیشن میں پلیئر آف دی ٹورنامنٹ کے اعزاز سے لے کر 2009 میں ٹرافی اٹھانے تک، میرے کیرئیر کے کچھ یادگار لمحات ٹی 20 ورلڈکپ سے جڑے ہوئے ہیں۔