شاہین آفریدی انجرڈ ہوگئے

قومی کرکٹ ٹیم کے فاسٹ بولر شاہین شاہ آفریدی انجرڈ ہوگئے جس پر ڈاکٹرز نے انہیں آرام کا مشورہ دیا ہے۔

تفصیلات کے مطابق شاہین شاہ آفریدی کے پاؤں کے فیشل ٹشو میں ہلکی نوعیت کی تکلیف کے باعث انجری کا شکار ہوگئے۔

پاکستان کرکٹ بورڈ کے مطابق فاسٹ بولر کو فوری طور پر میڈیکل اسٹاف کے سپرد کر دیا گیا ہے، جہاں ماہرین ان کی حالت کا مسلسل جائزہ لے رہے ہیں۔

ترجمان پی سی بی نے بتایا کہ شاہین کی انجری پر قریبی نظر رکھی جا رہی ہے اور اُن کی آئندہ میچز کے لیے دستیابی کا فیصلہ مکمل فٹنس اور میڈیکل کلیئرنس ملنے کے بعد کیا جائے گا۔

ٹیم مینجمنٹ کے مطابق کھلاڑی کی مکمل صحت یابی اور بحالی پہلی ترجیح ہے، اس لیے جلد بازی میں کوئی فیصلہ نہیں کیا جائے گا۔