اسکردو میں دو جاپانی کوہ پیما لاپتہ، ایک کی لاش برآمد

اسکردو میں واقع اسپنٹک چوٹی کی مہم جوئی کے دوران لاپتہ ہونے والے دو جاپانی کوہ پیماؤں میں سے ایک کی لاش برآمد ہوگئی ہے جبکہ دوسرے کی تلاش جاری ہے۔

اسکردو کے علاقے شگر کے ڈپٹی کمشنر نے جاپانی کوہ پیما کی لاش ملنے کی تصدیق کرتے ہوئے بتایا کہ ریسکیو آپریشن کے دوران رضاکاروں کو لاش ملی تھی۔ انہوں نے بتایا کہ لاش کو محفوظ مقام پر منتقل کردیا ہے جبکہ دوسرے کی تلاش جاری ہے۔

ساتھی کوہ پیماؤں کے مطابق جاپان سے مہم جوئی کے لیے آنے والے دونوں کوہ پیماؤں کو بیس کیمپ کے قریب حادثہ پیش آیا اور وہ نیچے گر گئے تھے۔ جس کے بعد سے لاپتہ تھے۔

اُدھر جاپانی سفارتخانے کے افسران اور کوہ پیماؤں کے قریبی ساتھی بھی بیس کیمپ پہنچ گئے ہیں۔