وہاب ریاض کو پی سی بی میں اہم ذمہ داری ملنے کا امکان

سابق ٹیسٹ کرکٹر محمد یوسف نے پاکستان کرکٹ بورڈ سے راہیں جدا کرلیں جبکہ ذرائع کا کہنا ہے کہ وہاب ریاض کو ایک بار پھر پی سی بی کی جانب سے اہم ذمہ داریاں مل سکتی ہیں۔

ایکسپریس نیوز کو ذرائع سے ملنے والی اطلاع کے مطابق سابق ٹیسٹ کرکٹر محمد یوسف نے نیشنل کرکٹ اکیڈمی کی کوچنگ چھوڑنے کا فیصلہ کیا جس پر اُن کی جگہ غلام علی کو انڈر 19 ٹیم کا کوچ مقرر کردیا گیا ہے۔

محکمد یوسف پاکستان انڈر 19 کے کوچ تعینات رہے جبکہ بیٹنگ کوچ سے قبل وہ سلیکشن کمیٹی کے ممبر کی حثیثت سے بھی کام کررہے تھے۔

اُدھر ذرائع کا کہنا ہے کہ سابق سنئیر مینجر و سلیکشن کمیٹی کے رکن وہاب ریاض کو بھی ایک بار پھر پی سی بی میں ذمہ داریاں ملنے کا امکان ہے، وہاب ریاض کو چیمپئنز ایونٹس کےمعاملات پر اہم ذمہ داری مل سکتی ہے۔