ایک موبائل کی خاطر، کراچی میں سال کا دوسرا شہری مزاحمت پر قتل

شہر قائد کے علاقے کورنگی میں ڈکیتی مزاحمت پر گھر کے باہر قتل ہونے والا نوجوان محنت کش تھا جو اپنے چھ ماہ کے بچے اور بیوی کی کفالت کرتا تھا۔

ڈائیلاگ پاکستان نے ساحل کے محلے میں جاکر اُس کے اہل خانہ سے بات کرنے کی کوشش کی مگر وہ شدت غم سے نڈھال تھے اور کوئی بھی بات کرنے کی ہمت نہیں تھی۔

ساحل کراچی کا وہ بدقسمت نوجوان ہے جسے سال نو کے تیسرے روز قتل کیا گیا، یوں وہ ڈکیتی مزاحمت پر قتل ہونے والا کراچی کا دوسری شہری بن گیا ہے۔

متوفی کی ساس نے بتایا کہ ساحل گھر کے باہر بیٹھا موبائل استعمال کررہا تھا، مسلح افراد آئے انہوں نے موبائل چھینا جس پر اُس نے مزاحمت کی تو انہوں نے سینے پر ایک گولی ماری اور چلے گئے۔

پڑوسیوں کے مطابق ساحل محنت کش تھا اور مزدوری کر کے اپنے 6 ماہ کے بچے  اور اہلیہ کا پیٹ پال رہا تھا۔