عید الاضحی پر 10 روز کی سرکاری تعطیلات کا فیصلہ

اسلامی مہینے ذی القعدہ کے بعد ذو الحجہ کا مہینے آئے گا جس میں عید الاضحیٰ ہوگی۔

تفصیلات کے مطابق بنگلہ دیشی حکومت نے عیدالاضحیٰ کے موقع پر ملک بھر کے شہریوں کو بڑی خوشخبری دیتے ہوئے 10 دن کی سرکاری تعطیلات کی منظوری دے دی ہے۔  

چیف ایڈوائزر کے پریس سیکریٹری شفیق الاسلام نے فیس بک پر تصدیق کی کہ کابینہ نے طویل تعطیلات کا فیصلہ کر لیا ہے۔  

انہوں نے بتایا کہ 17 اور 24 مئی (ہفتے کے دن) دفاتر کھلے رہیں گے تاکہ سرکاری کاموں میں کوئی خلل نہ آئے۔  

شہریوں نے اس فیصلے کو خوش آئند قرار دیا ہے جبکہ تاجروں اور ملازمین نے بھی اس پر حکومت کا شکریہ ادا کیا ہے۔