آسٹریلیا، سڈنی کے ساحل پر فائرنگ، 12 ہلاک

آسٹریلیا کے شہر سڈنی کے ساحل پر مسلح افراد نے اندھا دھند فائرنگ کرکے 12 افراد کو موت کی نیند سلادیا۔

بین الاقوامی خبر رساں ادارے کی رپورٹ کے مطابق فائرنگ کا واقعہ سڈنی کے بونڈی بیچ پر  پیش آیا جہاں2  مسلح افراد نے شہریوں پر فائرنگ کی، جس کے نتیجے میں12 افراد ہلاک ہوگئے جبکہ 2 پولیس اہلکاروں سمیت29  زخمی ہیں۔

آسٹریلوی پولیس کا اس حوالے سے کہنا ہے کہ واقعہ دہشتگردی کی کارروائی ہے، ہلاک ہونے والوں میں ایک فائرنگ کرنے والا بھی شامل بھی جبکہ دوسرے حملہ آور کوحراست میں لے لیا گیا ہے۔

غیر ملکی میڈیا کا بتانا ہے کہ  فائرنگ کاواقعہ یہودیوں کے تہوار کی تقریب کے دوران پیش آیا جبکہ فائرنگ کے بعد پولیس نے علاقے کو گھیرے میں لے لیا اور  مقامی آبادی کو بونڈی بیچ سے دور رہنے کی ہدایت کی ہے۔

آسٹریلوی وزیراعظم انتھونی البانیز نے ساحل پر فائرنگ کے واقعے کو تکلیف دہ قرار دیا ہے۔