چین نے پہلگام واقعے پر پاکستان کی حمایت کا اعلان کر دیا

چین نے مقبوضہ کشمیر کے پہلگام علاقے میں پیش آنے والے واقعے کے بعد پاکستان کی حمایت کا اعلان کرتے ہوئے دونوں ممالک سے گفت و شنید کا راستہ اپنانے کی اپیل کی ہے۔  

چینی وزارت خارجہ کے ترجمان کے بیان میں کہا گیا ہے کہ "ہم پاکستان کے جائز سیکیورٹی خدشات کو سمجھتے ہیں اور اس کی خودمختاری کے تحفظ کی کوششوں کی مکمل حمایت کرتے ہیں۔"

چین نے پہلگام واقعے کی منصفانہ اور شفاف تحقیقات کی ضرورت پر زور دیا اور کہا ہے کہ دونوں ممالک صبر و تحمل کا مظاہرہ کرنے اور بات چیت کے ذریعے تنازع حل کریں۔

گزشتہ ہفتے پہلگام میں مسلح افراد کے حملے میں 26 سیاح ہلاک ہو گئے تھے۔ جس کے بعد بھارتی اقدامات اور پاکستان کے جواب پر دونوں ممالک کے درمیان کشیدگی عروج پر پہنچ گئی ہے۔

امریکی صدر ٹرمپ نے دونوں ممالک کو آپ میں معاملات حل کرنے کا مشورہ دیا جبکہ ایران نے پاکستان اور بھارت کے تعلقات معمول پر لانے کیلیے ثالثی کی پیش کش کی ہے۔