فریضہ حج کی ادائیگی کے دوران بچے کی پیدائش، نام محمد رکھ دیا گیا

نائیجیریا سے تعلق رکھنے والی خاتون عازم حج کے ہاں سعودی عرب میں بیٹے کی پیدائش ہوئی ہے جس کا انہوں نے نام محمد رکھا ہے۔

سعودی میڈیا کے مطابق رواں سال میں اب تک حج سیزن میں ہونے والی یہ پہلی ولادت ہے۔

نائیجیریا سے تعلق رکھنے والی تیس سالہ خاتون کو 31 ہفتوں میں ہی تکلیف شروع ہوئی، چونکہ وہ سعودی عرب میں تھیں تو انہیں مکہ کے میٹرنٹی اینڈ چلڈرن لایا گیا جہاں انہوں نے صحت مند بچے کو آپریشن کے ذریعے جنم دیا ہے۔

وقت سے قبل پیدا ہونے والے بچے کی مکہ کے اسپتال میں دیکھ بھال کی جا رہی ہے اور خاتون کی حالت بھی بہتر ہے اور ڈاکٹر نے دونوں کی صحت کو اطمینان بخش قرار دیا ہے۔